AC Milan forward thar Pulisic

Chelsea forward Christian Pulisic chuan AC Milan a zawm fel. United States international hian kum li daih contract a ziak a, a man zat chu pound maktaduai 20 a ni.

Pulisic hi kum 24 mi chauh a la ni a, player chhuak thar beisei awm leh hmabak nei eng tak zinga mi a ni ṭhin. Borussia Dortmund aṭangin kum 2019 khan Blues hi a zawm a, pound maktaduai 57.6 man niin North American player zingah a man a tam ber.

Beiseina sang tak nen Stamford Bridge pan mah se an beisei ang erawh a thleng ta chiah lo. London club tan hian inelna hrang hrangah match 145 aṭangin goal 26 a khungsak - Champions League final-a Manchester City an hneh ṭum khan a inlan.

Milan a zawm hnuah Pulisic chuan, "Chelsea tana ka hun hnuhnung lam kha a harsa ve hle, ka beisei leh dang ang khelhna hmun pawh ka chang lo. Tunah chuan ka tan kawng thar a inhawng leh ta niah ka ngai," a ti.

Chelsea pawhin an forward hi an thlah a, an club tana a thil lo tih tawhte avanga lawmthu an sawi bakah a hma hun atan duhsakna an hlan tel bawk - tun nipui bazar chhungin player thlah an ngah ta malh malh hle.

Team thar din tum Chelsea aṭangin tun hnaiah - Kai Havertz, Mateo Kovacic, Mason Mount, Cesar Azpilicueta, Kalidou Koulibaly, Edouard Mendy, N'Golo leh Pulisic te an chhuak fel ta a ni.