J&K buai lai ber aiin Manipur dinhmun a ṭha lo zawk : Ex-Governor

Manipur governor hlui, Gurbachan Jagat chuan Manipur tualchhung dinhmun chu, Punjab leh Jammu and Kashmir-a tualchhung buaina nasat lai ber ai pawhin a ṭha lo zawk a ni, a ti.

Jagat hi J&K leh Punjab-ah hian IPS officer-in a lo awm ve ve tawh a ni.

The Tribune-a Manipur chungchang a ziakah, Jagat chuan, " Police station leh police motor-te beih niin, silai leh silai tam tak ruk chhuah a ni bawk. Hetiang thil hi J&K, Punjab, Delhi, Gujarat-a an buai nasat ber lai pawh khan a thleng lo," tiin ralthuam tam tak ruk chhuah chuan security force-te dinhmun pawh a tiderthawng a ni, a ti

Tualchhung buaina chhuak avanga mi 100 chuangin nunna an chan tawh te, mi tam tak hliam tuara an awm leh, chenna in leh khuate hal a, chenna nei loa mi tam tak baihvaia an awm chuan a rilru a ti na hle tih a sawi bawk.