Tripura-a Rath accident-ah mi 7-in nunna chan tawh

Tripura-a Unakoti district-a Kumarghat hmunah Nilaini khan Ulta Rath Yatra kawngzawh an neihnaah Lord Jagannath phurtu Rath chuan 33 kilovolt electric hrui a hrut palh a, mi pasarihin nunna chanin mi 16 dangin hliam an tuar. Thi zingah hian naupang pahnih an tel.

Prime Minister Narendra Modi chuan mitthi chhungte a tawrhpui thu sawiin, Prime Minister Relief Fund aṭangin zángnadawnna Rs. nuai 2 pek a nih tur thu a puang. Hliam tuarte hi Rs 50,000 ṭheuh pek an ni bawk ang.

Chief Minister Dr. Manik Saha pawhin mitthi chhungte hnenah state sorkar-in Rs. nuai 4 ṭheuh a pek tur thu a puang ve bawk. Sorkar thuchhuahin a tarlan danin, hliam tuar zingah taksa 60% chung lam kangte chuan Rs .nuai 2.5 an dawng ang a, 40-60% kangte chuan Rs. 74,000 an dawng bawk ang.