Bangladesh high commissioner-in Tripura-a Maitri Setu a tlawh

India rama Bangladesh high commissioner, Mustafizer Rahman chuan kar liam ta Zirtawpni khan Tripura-a Maitri Setu a tlawh.

India Bangladesh Friendship Bridge tia sawi, Maitri Setu hi km 1.9-a sei a ni a, Feni lui chungah dawhin, South Tripura-a Sabroom leh Bangladesh-a Ramgarh-te inkalpawhna a ni.

Bangladesh high commissioner hi Land Ports Authority of India (LPAI) chairman Aditya Mishra-a'n a ṭawiawm a ni. Mishra chuan Sabroom-a land port siam hna thawh pawh hma sawn zel a nih thu leh, hna hi 80% vel zawh a nih tawh thu a sawi. Cargo terminal chu 60% zawh a ni tawh a ni, a ti bawk. Maitri Setu hmang hian Tripura hian Bangladesh-a Chittagong port a pawh dawn a ni.