AP : Felix-a'n ruihhlo dona kawnga theihtawp chhuah turin mipuite a ngen

Arunachal Pradesh home minister Baman Felix chuan ruihhlo dona kawngah lungrual taka thawk ho a, theihtawp chhuah turin state mipuite a ngen.

Thawhṭannia North Eastern Region Youth Commission (NERYC)-in anti-drug campaign an buatsaih a hawnaah, Felix chuan ruihhlo ṭhat loh chungchang inzirtir ringawt chu a tawk lo a, ruihhlo umbo tura theihtawp chhuah zui a ngai a ni, a ti. An state-a ruihhlo leh ruihhlo hmansualna hluar zel titawp turin mitin, sakhaw hrang hrang zuitute chu an inlungrual a ngai a ni, tiin a sawi.

NERYC hnenah ruihhlo do campaign an buatsaih chu a hlawhtlin ngei theihna tura hma la turin a chah bawk. NERYC hi Catholic Bishops’ Conference of North East India-a ṭhalai pawl an ni. Ruihho do beihpui an thlaknaah state sorkar chuan a ṭul anga a thawhpui zel tur thu Minister chuan a hrilh.