Assam CM-in Rs vbc 545 hu project lungphum a phum

Assam chief minister Himanta Biswa Sarma chuan Pathianni khan Rangia, Kamrup district-ah connectivity, healthcare leh higher education kaihhnawih project eng emaw zat, Rs vbc 545 hu lungphum a phum.

Chief Minister chuan a kaihhruai sorkarin an state-ah world-class infrastructure din chhoh zel a tum tih sawiin, project pawh hi a hun taka thawh zawh a nih theihna atana theihtawp chhuah turin official-te a chah nghal bawk. Kum 2023-24 chhunga Assam-a world class infrastructure siamna turin sorkar chuan Rs vbc 10,000 invest a tum a ni, a ti

Sarma hian Rangiya Model Hospital-a khum 47 awmna ICU a hawng nghal bawk a, "Assam-ah healthcare lamah hmasawnna hmuh tur a awm chho zel. Healthcare infrastructure ṭha zawk khaw tinah siam chhoh kan tum a ni," tiin a sawi. Health leh education chu Assam hmasawnna tura a ke pawimawh an ni tih sawiin, Rangiya College-a post-graducation block a hawng nghal bawk.