Tripura-ah marijuana kg 1,385 an man

Border security force (BSF) leh directorate of revenue intelligence (DRI)-ten joint operation an neihah, Pathianni khan West Tripura-ah mi pathum manin an kut aṭang hian marijuana (ganja) kg 1,385 an man sak.

Official chuan intelligence report an dawn bawhzuiin, West Tripura-a Urabari khuaah joint operation hi neih a ni tih sawiin, mi pakhat an man thu an zawhfiahna aṭangin ruihhlo neitu dangtea a phusa ber chu an hre thei ta tih a sawi. Ganja an man hi Rs vbc 2 man hu a tling a, mi pathum an mante hian in hnuaiahte an lo thukru a ni.

BSF chuan thuchhuah siamin, Tripura aṭanga ruihhlo umbo hna thawhna kawngah theihtawp chhuahin, 'Tripura-A Drug Free State' a siam turin an bei zel dawn tih a sawi. BSF hian ramri kaltlanga ruihhlo tawlhluh tumte pawh an lo man fo tawh a ni.