Ram pawn aṭangin hmarchhak mi 400 chuang haw dawn
Sorkar laipuiin hripui leng avanga Bangladesh, Russia leh Ukraine-a India mi tangkhang a hruai haw tur zingah hmarchhak mi 400 vel an tel.
Tripura education minister Ratan Lal Nath chuan Agartala-a press conference a neihnaah hei hi sawi chhuakin, hmarchhak mi hruai haw tur zingah hian Tripura mi 87 an tel a ni, a ti. Ministry of external affairs leh home ministry-te chuan ram pawna India mi tangkhangte hruai haw tumin hma a la mek a ni, a ti.
Heng ram pathuma tangkhang hruai haw tur zinga hmarchhak mite chu Guwahati-ah thlawhtheihnain phurh thlen an ni ang a, heta ṭang hian an awmna state lam panna tur bus ruahman leh a ni dawn tih Nath chuan a sawi.