Hmarchhak state zirlaite CUET aṭangin ngaihnathiam leh dawn

Sorkar laipui chuan Meghalaya state bakah hmarchhak state dangte chuan kum 2023-34 academic session atan central universtity-a admi­ssion ti turin Common University Entrance Test (CUET) paltlang ngai loin a ngaihhna­thiam leh.

Meghalaya chief minister Conrad K Sangma chuan March 7 khan union minister of education, Dharmendra Pradhan hnenah ngenna thlenin, assembly inthlan­ te an neih avangin an state aṭanga zirna sang zawk zir tumte tan CUET paltlang kher ngai loa ngaihnathiam turin a ngen a ni. Hemi hnu hian sorkar laipui chuan Meghalaya bakah hmarchhak state danga central university hnuaia zirlaite chu CUET lakah hian ngaihhnathiam an nih tur thu a puang a ni. Nikum khan hmarchhak zirlaite hi ngaihhnathiam an lo ni tawh bawk.

Hmarchhakah hian central unversity - Sikkim University, Rajiv Gandhi University, Assam University, Tezpur Univer­sity, Manipur University, Nagaland University, Tripura University, Mizoram University leh NEHU an awm a ni.

Sorkar laipuiin CUET a ngaihhnathiam tur zingah hian Jharkhand-a Hemvati Nandan Bahuguna Garhwal University (HNBGU) hnuaia zirlaite pawh an tel a ni.