Tripura : BJP-CPI(M) worker-te intibuai leh

Tripura-ah rorellai, BJP leh eptu, CPI(M) worker-te chu Thawhlehni tlai khan Gomati district-a Rajdhanagar area-ah an intibuai leh. Buaina chhuak kaihhnawihah hian police-ten mi pakhat manin, mi dang pasarih chu thu zawhfiah turin hun eng emaw chen an hreng bawk.

Tripura police-te chuan party pahnih worker-te intihbuainaah hian dawr pathum hal a nih bakah motor ṭhenkhat tihchiat a nih thu an sawi. FIR pahnih an ziaklut nghal bawk a ni.

Buaina chhuahna hmun hi Tripura chief minister hlui Biplab Kumar Deb thlahtute chenna bul hnai a ni a, report ṭhenkhatin CM chhungte chenna in beih tel a nih thu an tarlan chu thu dik lo a ni tih an sawi.

Gomati SP Ajit Pratap chuan buaina chhuah chhan hi party flag tarna chungchang vang niin a sawi a, thil thlen dan hi chhui chian mek a ni, a ti.