Rajasthan sorkarin hostel-ah hnam hla sa turin ti

Rajasthan Chief Minister Vasundhara Raje-i kaihhruai BJP sorkar chuan an state chhunga hostel hrang hrangah chuan nitin zing dar 7-ah hnam hla sa vek turin a ti.

State Department of Social Justice and Empowerment (SJE) chuan thuchhuah siamin, zirlai naupangte rilru-ah hnam hmangaihna tuh a nih theih nan hnam hla hi sa vek tura hriattir an nih thu a sawi. He hriattirna hi OBC, SC leh ST hostel 789 hnenah pek a ni.

SJE principal secretary Samit Sharma chuan residential school-te chu hnam hla nitin sa tawh tih sawiin, hei hi sorkar enkawl hostel-ah pawh tihchhoh tum a ni, a ti. Jaipur Municipal Corporation chuan civic body head ofice-ah zing dar 9 leh tlai dar 5-ah hnam hla hi play turin thupek a lo tichhuak tawh bawk a ni.