Tripura-a in Dubai-ah ‘Queen’ Pineapple thawnchhuak

Tripura chuan Pathianni khan ‘Queen’ Pineapple tonne khat Dubai-ah an thawhchhuak a, Chief Minister Biplap Kumar Deb chuan a vailiam a ni.

Lakhuihthei hi SpiceJet thlawhtheihna hmanga thawnchhuah niin Delhi kaltlanga thawn a ni bawk. SpiceJet leh Tripura sorkar hnuaia Tripura Horticulture Corp leh Kolkata based company-te hian thla hmasa khan Memorandum of Understanding an lo ziak tawh a ni.

Chief Minister chuan lakhuihthei chu India leh a chhehvel ramah te a lar thu sawiin mipuite chu lakhuihthei chin uar turin a fuih a, lakhuihthei bakah hian lamkhuang pawh ching uar tura fuihin heng thei pahnih te hi an ramah a ṭhat duh thu a sawi.

Biplap Kumar Deb chuan mau pawh ramdangah an thawnchhuah nasat thu sawiin mau bakah leh lakhuihthei leh lamkhuang hmangin an state economy chu dinhmun ṭha takah a ding thei a ni, a ti.



Share this Post

Login to comment
No Comments