Ntangki national park hi Naga property a ni zel ang : NSCN-IM

National Socialist Council of Nagaland - Isak-Muivah (NSCN-IM) chuan Naga political issue chu chinfel emaw, chinfel theih loh emaw pawh ni se, Ntangki National park chu Naga national property-ah humhalh chhunzawm zel a ni dawn tih an sawi.

Thawhlehnia thuchhuah an siamah, NSCN-IM chuan Ntangki National Park hi Old Bisumupui khaw ta dik tak niin, boundary pawh felfai tawk a awm tih an tarlang. Ntangki forest and wildlife humhalh a ṭul thute pawh kum 1996-a Gilgal Camp-a NSCN national assembly neihah khan ngaihtuah a ni tawh a, reserved forest-a humhalh zel turin resolution pawh an siam tih an sawi bawk.

Ntangki National Park huamchhunga khaw thar din pawh phal a ni lo tih NSCN-IM chuan an tarlang a ni.