Cyclone vangin Manipur-ah mi 2 thi

Manipur-a cyclone Sitrang tlehin chhiatna hrang hrang a thlen a, Noney leh Ukhrul district-te chu a tuar nasa ber niin, Ukhrul district-a thlipui tlehin chhiatna a thlenah mi pahnih an thi.

Noney distict-a thli tleh hian chenna in 20 chuang a ti chhia a, ruah nasa taka a sur tel bawk avangin thlai chin tam tak an chhe bawk a ni.

Ukhrul district-a Northeast Autumn Festival (NEAF) 2022 chu thlipui tleh leh ruahsur nasa avangin a hun hmain tihtawp a ni. He festival hi nimin thleng awh tura ruahman a nih laiin, Thawhṭanni khan tihtawp a ni tih organiser-te chuan an sawi.