Meghalaya sorkarin Gaming Regulation Act hlih a tum lo

Meghalaya chief minister Conrad K Sangma chuan Meghalaya Gaming Regulation Act 2021 chu a kaihhruai sorkarin hlih a tum lo tih a sawi.

Shillong-a chanchinthar lakhawmtute a kawmnaah, Chief Minister chuan an state-ah licence mumal nei si loa gaming parlour, jackpot parlour leh games dang khelhnate a awm a, hei vang hian sorkar chuan he Act hi a siam a ni, a ti. He dan hnuaiah inkaihhruaina mumal tak siamin, sorkar pawhin chhiah a la thei dawn a ni.

Casino din tum erawh kohhran leh mi hrang hrang aṭangin dodalna a nasat avangin ṭhulh a nih thu CM chuan a sawi.