Assam : Police-ten PFI activist 25 an man

Islamist political organisation, Popular Front of India (PFI) laka beihpui thlak mekah, Assam police-te chuan PFI activist 25 an man leh.

Goalpara-ah PFI activist hi 10 manin, Kamrup (Rural)-ah panga, Dhubri-ah pathum leh, Barpeta, Baksa, Darrang, Udalguri leh Karimganj-ahte man an nih tih police-te chuan an sawi. Assam police-te hian a hmain PFI activist hi 11 an lo man tawh bawk.

Chief minister Himanta Biswa Sarma chuan sorkar laipui hnenah PFI chu dan pawna hnawl tura an lo ngen tawh thu a sawi.

National Investigation Agency (NIA) chuan tun hnaiah ram chhung hmun hrang hrangah PFI office-te dapin, an member ṭhenkhatte manin an kut aṭang hian pawl dang hruaitute bitumna document-te hmuh tel an nih thu an sawi a ni.

Police-te chuan PFI activist mante chu Indian Penal Code (IPC)-a section 120-B, 124-A, 153-A leh 353 hnuaiah thubuai siamsak an ni tih an sawi.