Tripura Deputy Speaker-in DJ system khap a duh

Tripura Legislative Assembly deputy speaker, Biswa Bandhu Sen chuan Puja festival-ah DJ system khap a duh thu sawiin, hei hian nu, naupai laite hriselna a nghawng niin a sawi.

Dharmanagar MLA Sen chuan DJ systems chu 'Demonic Machine' tia sawiin, hriselna kawnga nghawng ṭha lo tak a nei a ni, a ti.

Assembly session-a Question-Answer session an neih ṭuma Congress MLA, Sudip Roy Barman-an Puja laia loudspeaker hman chungchang a zawhna a chhannaah a sawi a ni. "Heng system-te hian naupai lai tan a hlauhawm a ni. Naupai laite'n DJ set hmanga an thil play-te rei tak an ngaihthlak chuan, an naupai lai pawh an chán mai a hlauhthawnawm. Nausen chuan a hriatna lamah harsatna a tawk thei bawk," tiin a sawi.