NIA charge sheet thehluhin inbiakna a tibuai dawn lo : Meghalaya CM

Meghalaya chief minister Conrad K Sangma chuan National Investigation Agency (NIA)-in helpawl, Hynniewtrep National Liberation Council (HNLC) hruaitu ṭhenkhat lakah charge sheet thehlut mah se, sorkar leh HNLC in inremna zawnga inbiakna a neih chu a tibuai dawn lo tih a sawi.

NIA hian kum 2020-a East Jaintia Hills district Star Cement Factory colony lane-a staff quarter-a bomb tihpuah kaihhnawihah, Thawhlehni khan HNLC hruaitu pali lakah charge sheet a thehlut a ni.

CM Sangma chuan HNLC nena inbiakna hi ṭan thuai tum a nih thu sawiin, state sorkar chuan Ministry of Home Affairs hnenah pawh charge sheet thehlut hian inbiakna neih tur a tibuai dawn lo tih pawh a hriattir dawn tih a sawi. HNLC member-te laka charge sheet thehluttu hi independent agency an ni a, hei vang hian peace talk neih tur hi a nghawng dawn lo a ni, a ti.