Manipur sorkar-in hel inpete tan skill development training buatsaih dawn

Manipur Chief Minis­ter N. Biren Singh chuan sorkar kuta inpe helte tan skill development programme duan a nih thu sawiin, an intunnunna turin trainnng pek an nih tur thu a sawi.

Manipur chief miniser chuan he thu hi hel pawl - Kangleipak Communist Party (KCP) hruaitu, sorkar kuta inpe Lamphel lawmluhna inkhawm CM Secretariat-a buatsaihah a sawi a ni. State sorkar chuan hel inpete tan hian skill development programme a duang a, an eizawnna tur leh an intunnunna turin training pek an ni ang, a ti. Biren Singh chuan sorkar laka helten an rilru inlam leta sorkar kuta inpek duhna an nei chu lawmawm a tih thu sawiin, la inpe ve lote tan pawh sorkar chu engtik lai pawhin a inhawng a ni, a ti.

CM Biren Singh chuan mipuite himna chu an duh ber a nih thu sawiin, Ukhrul district-a inthahna thleng chu a dem thu a sawi a, pawikhawihtu zawng chhuak turin State Police leh Assam Rifles-te chuan ngawrh takin hna an thawk tih a sawi. Tharum thawhna thleng reng reng chu na taka chhanlet zel a ni dawn tih sawiin, venhimna pawh khauh taka kenkawh a nih tur thu a sawi.

Thawhṭannia sorkar kuta inpe KCP mi leh sa te hi an Commander Lamphel leh Soraisam Modhuchandra Singh (45)-te an ni a, sorkar kutah hian 9mm pistol leh ralthuam dangte an hlan tel bawk.