RPP-in Nagaland tan PMJVK fund titawp turin ngen

Rising People's Party (RPP) chuan sorkar laipui,a bikin minority affairs ministry hnenah Nagaland tan Pradhan Mantri Jan Vikas Karyakram (PMJVK) fund pe tawh lo turin a ngen.

RPP chuan state cabinet-in PMJVK 2022-23 hnuaia telh tur project list thawn a, minority affairs ministry hnenah heng project atana Rs vbc 297.80 pe tura ngenna a siam hnuah he ngenna hi an siam a ni.

Nagaland-a United Democratic Alliance (UDA) sorkar-ah eirukna nasa tak a awm tih sawiin, RPP chuan project sanction tawh kalpui a nih dante pawh chhui chiang turin union minority affairs minister Smriti Irani hnenah an ngen. CAG report hnuhnung berah, state sorkar inhnamhnawihnaah fund tihchingpen, rukbo leh thil dang vanga sum riral chu Rs vbc 207.25 a tling tawh a ni, an ti. Hei vang hian project fund-te chu hren sak rih emaw, tihtawp sak emaw turin a ngen a, hemi hmang hian state-a eirukna nasa tak thleng chu a dansak thei dawn a ni, an ti.