Assam MLA-in Dibrugarh rel station khar hlen turin ngen

Assam-a Dibrugarh bial MLA, Prasanta Phukan chuan sorkar laipui hnenah Dibrugarh rel station chu khar hlen turin a ngen.

MLA Phukan hian union railway minister Ashwini Vaishnaw hnenah old Dibrugarh town railway station (DBRT) chu khar hlen a, rel service-te pawh new Dibrugarh railway station (DBRG) lama tlan tir turin a ngen a ni.

Union Minister hnena lehkha a thawnah, Dibrugarh MLA chuan rel kawngin a pawh chu bial hmasawnna tura pawimawh tak a ni a, mahse Dibrugarh Town railway station an hman mek chu Dibrugarh khaw hmasawnna tur tibahlahtu zawk a ni, a ti. Rel kawng hi Dibrugarh khua chu hmun hnih, chhim leh hmar lamah a ṭhen a. Hei hian khawpui chhunga traffic a tihbuai ṭhin bakah, kawngpui zauhna thlengin a dal niin a sawi. Rel kawng hrulah hian zirna in eng emaw zat a awm bawk a, hei vang hian mipuite himna leh remchan zawkna turin DBRT hi khar turin a ngen.