Akhil Gogoi-a'n AAP a zawm lo tih a sawi

Assam-a Sivasagar bial MLA leh Raijor Dal president, Akhil Gogoi chuan Aam Aadmi Party (AAP) a zawm nia social media lama thehdarh chu thu dik lo a nih thu a sawi.

Social media lamah Gogoi hian AAP a zawm nia sawi hi a darh nasa hle a, political leader hrang hrang pawhin an sawizui bawk. Mahse Gogoi chuan Sivasagar-a media mite a kawmnaah thu dik lo a nih thu a sawi. AAP hruaitu nen chuan a mimalin an inpawh ṭha hle a, mahse politics kaihhnawih lam thil a nih loh thu a sawi a ni.

"AAP din a nih tirh aṭangin inpawhna ṭha kan nei a, mahse politics lama inzawm tumna erawh ka ngaihtuah ngai lo," tiin Raijor Dal chu regional-nationalist force niin BJP paihthlak chu an tum ber a nih thu a sawi. Hemi kawngah hian midangte pawh thawhpui zel an inhuam a, mahse party chhuahsan a, party dang zawm lam chu a ngaihtuah ngai lo tih Gogoi chuan a sawi.