Assam tea worker-ten nawrh huaihawt

Assam-a Dibrugarh district-a Santi Tea Estate-a tea worker-te chuan Oil India Limited (OIL) in oil field siamna atana tea estate ram bigha 22 lak an tuma vangin Thawhṭanni aṭang khan tiam chin awm loin lungawi lohna an lantir.

OIL ram neih tum duh lohna lantira nawrh huaihawtnaah hian Assam Tea Tribe Students’ Association (ATTSA) leh Assam Chah Mazdoor Sangha(ACMS) pawh an tel a ni.

Nawrh huaihawtte hian banner leh placard-te an keng a, "Oil India-in oil field siamna atan Santi Tea Estate ram neih a tum hi kan dodal a, tea garden hi mi tam tak eizawnna leh innghahna a ni. Kan mit hmuh lai ngeia kan thingpui huante tihchhiat hi kan remti lo," tiin AATSA hruaitute chuan an sawi.

Assam economy chu tea garden-ah a innghat lian hle a, hetih laia thingpui chinna rama oil field siam tum chuan an state economy thlengin a nghawng dawn tih an sawi a ni. Hei vang hian Oil India chu an hma lakna titawp turin an phut.