Tripura Waterways development hna thla thar aṭangin ṭan dawn

Ruahman anga thil a kal a nih chuan Inland Waterways Authority of India-te chuan karleh hian Tripura an tlawh dawn a, Gomati luiin Bangla­desh-a luang River Megh­na a pawhna tur, Inland Waterways project thawh­na tur hmun an tifel ang.

Chief Minister Biplab Kumar Deb chuan Nilaini khan hemi chungchanga sorkar laipui thutlukna chu sawiin Union Minister of Shipping and River Development Nitin Gadkari nen Delhi-ah meeting an neih thu leh an thurel te a sawi a ni. Official thuchhuah an siamah Gadkari leh Deb hian kawngpui project hrang hrang an sawidun nia tarlan niin passemnger-te himna lam thlengin an sawidun thu an tarlang. Tripura leh Bangladesh tui hmanga inkalpawh chungchang pawh an sawi thu tarlangin Chittagong sea port hman theihna turin an state chhim lama awm Sabroom khua hman ṭangkai dan tur te thleng pawhin an sawi thu tarlan a ni.

Waterways develop­ment project pawh hi kum­thar thlatir lamah hi chuan thawh ṭan hman tum a nih thu tarlangin he project zawh a nih hnuah hi chuan tui hmangin awlsam takin Tripura leh Bangladesh chu a inkalpawh theih tawh dawn a ni.