Ramchhunga school bansan tamna ber Nagaland

Nagaland chuan India rama school bansan tamna ber record siamin state chhunga school bansan hi national average aiin a let liin a sang.

Inrinni liamtaa Dimapur-a Tourist Lodge-a "My Scholarship Foundation" tlangzarhna huna Community Avenue Network (CAN) Youth of Nagaland Chief Functionary Jenpu Rongmei-a data tihchhuahah Nagaland primary school-a school bansan rate chu 4.3% a ni a, Grade 1-V-ah chuan 19.4% niin hei hi ramchhungah a sang ber a ni.

Jenpu Rongmei chuan data hi World Bank survey aṭanga lak a nih thu sawiin upper primary (VI-VIII) leh secondary (IX-X)-a school bansan rate chu 17.7% leh 35.1% a nih thu a sawi bawk.

Nagaland sorkarin hemi chung­changa zirchianna 2007-2009 inkara a neihah pawh sor­kar school 544-a zirlai 11,948 awm zingah 8,495 chuan school an bansan thu a sawi.

My Scholarship Foundation (MSF) chungchang pawh sawiin Jenpu chuan civil society pawl hrang hrang te leh community hrang hrang te hmunkhata hruaikhawma heng school bansan te school kai tir leh chu an tum ber a nih thu a sawi a ni.

MSF chuan a tirin mi 50 an bitum phawt dawn tih sawiin CAN Youth chuan zirlai 28 hnen­ah chhawmdawlna an pe dawn tih a sawi bawk.