CNSA in Naga te rilru tinaah Temjen Imna puh, Bang turin an phut

Nagaland zirlai pawl Central Nagaland Students’ Association (CNSA) chuan Minister for Higher and Technical Education, Temjen Imna Along, Nagaland BJP President ni bawk chu Naga mipuite rilru tinaah puhin bang tura an phut thu an sawi.

CNSA chuan Delhi-a BJP/RSS te tihlawm a tum mek laiin Naga mipuite rilru a tina tih an sawi a, a chet dan zahawm lo tak avang chuan ngaihdam dila bang tura an phut thu an sawi a ni.

CNSA thuchhuah siamah chuan an pre­sident Charles Lotha, vice-president Nihoyi Kinnmi, general secretary, Yimlanger leh secretary finance, Khuketo Yep­thomi-te chuan an pawl chu political kaihhnawiha inhnamhnawih loh an tum reng thu an sawi. Mahse Nagaland BJP president-ah Temjen Imna Along dah a nih hnuah Temjen hian Hinduism nen inkungkaihna nghet tak neia an hriat thu leh Naga-te sakhua leh rin dan tana hlauhawm thei a nih thu an sawi.

Zirlai pawl chuan PM hlui thi ta Atal Bihari Vajpayee-a vap state lai taka Hindu sakhaw inrelbawlna anga paih tum te, polling station zawng zawnga BJP symbol ziah tum te chu Naga inpumkhatna tih­chhe zawng leh sakhaw inpumkhatna tichhe thei a nih thu an sawi.

Hemi a nih avang hian ngaihdam dila bang tura an duh thu an sawi a ni.