AP CM-in Tawang-ah feet 104-a sang Hnam Puanzar a pawtpharh

Arunachal Pradesh chief minister Pema Khandu chuan Ningani khan China ramri bul khua, Tawang-a Ngangpa Natme (Buddha Park)-ah feet 104-a sanga Hnam Puanzar zar chu a pawtpharh.

Chief Minister Khandu chuan flag chhinchhiah tlak tak zar a nih avangin state mipuite lawmpuina a hlan nghal a, Arunachal Pradesh-a ram hmangaihtu zawng zawngte tan an hlan tih a sawi. Tawang-a hnam puanzar zarna hi sea level aṭanga feet 10,000-a sang niin, hei hi India flag zar sanna ber dawttu a ni. India flag zar sanna ber chu Leh-a Lukung hmun, Pangongon Lake bulah a ni.

Khandu chuan Army, Sashastra Seema Bal, Indo-Tibetan Border Police, Tawang district thuneitute leh MLA Tsering Tashi-te chu hnam puanzar zar a nih theihna kawnga an hmalaknaah lawmthu a hrilh bawk.

Tawang hi Buddhist pilgrim town a ni a, Tawang monastery hi meter 3,400-a sangah awmin, Asia-a monastery lian ber dawttu leh upa ber a ni.