Assam cabinet-in rural infrastructure tihchangtlunna tur Rs vbc 2,000 pawm

Assam cabinet chuan rural infrastructure tichangtlunna tur leh, state chhunga kawngpui pawimawhte thuam ṭhatna turin cheng vaibelchhe 2,000 a pawm.

Chief minister Himanta Biswa Sarma hoa Assam Secretariat, Guwahati-a cabinet meeting-ah an pawm a ni.

Cabinet hian Bajali, Baksa, Biswanath, Bongaigaon, Cachar, Charaideo, Darrang, Dibrugarh, Goalpara, Golaghat, Hailandi Jorhat, Kamrup, Kamrum Metro, Karbi Anglong, Karimganj, Kokrajhar, Lakhimpur, Majuli, Morigaon, Nagaon, Nalbari, Sivasagar, Sonitpur, South Salmara-Mankachar leh Tinsuskia district-ahte kawng 114 siamṭhat leh lei paruk dawhna turin Rs vbc 958 a pawm. Hei bakah hian Kokrajhar - Rupsi Airport Road, Gohpur-Dholpur road, Dirakgate - Penegree road, Rowta - Misamari road leh Rowta - Misamari road chei ṭhatna project panga tan Rs vbc 1,031 an pawm bawk a ni.

Tamulpur district-a Medical College and Hospital thar sakna turin cabinet chuan Rs vbc 450 a pawm bawk.