Sikkim sorkarin committee pathum din

Sikkim sorkar chuan thil ngaihtuah tura dah, an tihkhawtlai mekte chinfel thuai a nih theihna turin a buaipuitu tur committee pathum a din.

Assembly seat-a Limboo-Tamang hnam tana reservation siam, an state hnam 12-te tribal status leh Sikkim-a 17th Karmapa hruai kir dan chungchangte buaipui turin chief minister PS Golay hoa Mintokgang-a SKM legislature party meeting-ah heng committee pathumte hi din an ni.

Lok Sabha MP Indra Hung Subba chuan Limboo-Tamang-ten Assembly seat an phut chungchang ngaihtuahtu tur committee a ho dawn a ni. Chief Minister political advisor, TN Dhakal kaihhruai committee chuan Sikkim-a Nepal hnam 12-ten tribal status pek an phut chungchang a ngaihtuah ang. Hei bakah hian Karmpa Ogyen Trinley Dorje hruai kir a nih dan tur buaipui turin committee din a ni bawk a, hemi atan hian state budget hmasaah khan sum dah a lo ni tawh bawk.