Assam sorkarin kum 1990 aṭanga file tihkhawtlai chinfelna tur 'Project Sadbhavana' a hawng dawn

Assam sorkar chuan kum 1990 chho aṭanga state secretariat-a file chinfel loha la tikhawtlai zawng zawngte chinfel vek tumin, hemi atan hian February 1-a Proejct Sadbhavana a hawng dawn.

Sorkar chuan May 10, 2021 hma lama file lut, la chinfel loh zawng zawng chu he project hnuaiah buaipui a ni dawn a, zawh fel a nih hnuah a hnu lama file lutte khawih chhunzawm leh nghal a ni ang, a ti. Department hrang hrangah May 20, 2021 hmalam file chinfel loh la awm hi nuai khat chuang a tling a ni.

He project kalpui a nih tur thu hi kum 2021, October thla khan chief minister Himanta Biswa Sarma chuan a lo puang tawh a ni. Nikum November thla khan kalpui ṭan tum ni mah se ruahman angin an kal thei lo a ni. CM chuan mipuite chu Assam sorkar leh RTPS (Right to Pulbic Service) portal-ah te, facilitation centre leh Secretariat pawna counter siamah an file khawih ngai chu a number/subject/department-te thehlut turin a ti a, sorkar office-a an kal kher ngai loin an harsatna hi sutkian sak an tum tih a sawi.