MU buaina: VC Pandey-an dan angin a kal tih sawi

Manipur University buaina chuan ziaawm lam a pan thei lo a, Inrinni hmasa khan Vice Chancellor AP Pandey chuan Manipur Uni­versity Teachers Asso­ciation (MUTA) leh Manipur University Staffs’ Association (MUSA)-te chu Manipur University Act 2005 statute 3(4) hmanga an din a khap vangin buaina hi a zual leh a ni.

Hemi chungchangah hian Padney chuan a dinna a sawn duh lo a, MU Community ten an nawrh chhunzawm leh mah se VC Pandey chuan a dinna a sawn duh chuang lo a, Pathianni khan a thiltih reng reng chu dan anga ti a nih thu a sawi.

Pandey chuan zirtirtu ṭhenkhat chuan pawl hmingin zirlaite rilru an hruai dik lo niin a sawi a, hemi a nih avang hian pawl anga an din chu phal a ni tur a ni lo, a ti.

Manipur University Act hnuaiah zirtirtu pawl din phalna a awm loh thu sawiin, zirlaite an fuihpawrh bakah dan ang loa an hmalakna te chu an thlawp thu a sawi bawk a ni.