Indian Army-in China PLA bia

Indian Army chuan hotline kaltlangin China People's Liberation Amry (PLA) te an bia a, Arunachal tleirawl an rukbo nia sawi Miram Taron chu thawn kir turin an ngen.

Defence PRO chuan, PLA-te hian Arunachal Pradesh tleirawl kum 17 mi, Miram Tarom chu Line of Actual Control (PLA) ah an man nia sawi a ni. Indian Army chuan PLA hi hotline kaltlangin a bepawp nghal a, he tleirawl awmna zawngchhuak a, India rama rawn thawn kir turin a ngen a ni, a ti.

Arunachal Pradesh sorkar pawhin Taron hi hruai haw a nih leh theihna tura inrawlh turin defence ministry a lo ngen tawh bawk. Chief minister Pema Khandu chuan diplomatic channel kaltlangin defence ministry chuan China thuneitute pawh a sawipui mek niin a sawi a, tleirawl pawh an khaw lamah him taka a kir leh thuai theih a beisei thu a sawi.