President Kovind leh PM Modi-a'n Manipur, Meghalaya leh Tripura Statehood Day pualin duhsakna hlan

President Ram Nath Kovind leh prime minister Narendra Modi-te chuan nimin Manipur, Meghalaya leh Tripura state din champha pualin state mipuite duhsakna an hlan.

President Kovind chuan heng state pathumte hi leilung hausakna ṭha tak nei, culture leh tradition ṭha leh dangdai tak nei an ni tiin, state pathum mipuite chu duhsakna a hlan tih a sawi.

Prime Minister Modi pawhin hmarchhak state pathumte chu an statehood day pualin duhsakna a hlan a, heng state-te hian India hmasawnna turin an thawh hlawk hle tih a sawi a, hma an sawn zelna turin duhsakna a hlan.

State pathumte hi kum 1972, January 21 khan Noth Eastern Region (Reorganisatoin) Act of 1971 hnuaiah state puitlingah dah an ni.