Hmarchhak Energy Index ranking-ah Meghalaya sang ber, Manipur hniam ber

Alliance for Energy Efficient Economy (AEEE) chuan August 1 khan India ramchhunga “State Energy Efficiency Index” a tichhuak a, hmarchhak bikah chuan Meghalaya chu an sang ber a, Manipur chu a hniam ber an ni thung.

Meghalaya pawh hi ‘Aspirant' level chauh a la ni tho niin report chuan a tarlang.

AEEE hian Bureau of Energy Efficiency (BEE), New Delhi leh NITI Aayog kaihhruaina hnuaiah “State Energy Efficiency Index” hi a tichhuak a, state 29 bakah India National Capital Territory, Delhi energy index a tichhuak a ni.

Hmarchhak bikah chuan Meghalaya leh Assam hi Group 3 category-ah dah an ni a, Meghalaya hian national TPES-ah 5.4% a hmu a ni.

Hmarchhak state dangte chu Group 4 category-ah dah an ni thung a, national TPES-a an average chu 0.4% chiah a ni thung. Hemi group-ah hian Tripura chu a sang ber an ni a, Arunachal Pradesh, Mizoram, Sikkim leh Nagaland ten dawtin Manipur chu a hniam ber an ni thung.

State tinte hi national total primary energy supply (TPES)-a share an neih aṭangin group hrang hrangah ṭhenhran an ni a, heta ṭang hian State Energy Efficiency Index-a an rangking pawh hi an siam a ni.