Chhung tinah mi pakhat hna pek an ni ang: Sikkim Chief Minister

Sikkim Chief Minister Pawan Chamling chuan Thawhlehni khan Sikkim chhungkua hna nei lo te chu, chhungtinah mi pakhat tal chu casual basis in sorkar hna an pek dawn thu a sawi.

State-level Sammelan for Rural and Urban Local Bodies 2018, Manan Kendra-a neiha thu a sawinaah Pawan Chaming chuan panchayat te chu chhungkuaa hna nei awm lohna list thehlut turin a hriattir a ni. Thla khat chhunga thehlut hman tura hriattirin heng chhungkua zinga mi pakhat hnenah hian MR/adhoc workers angin sorkar hna pek an ni dawn tih a sawi a ni.

CM chuan hna nei awmna chhungkua te chu recommend lo turin a hriattir nghal bawk.

Chief Minister chuan cheng vaibelchhe 1000 vel chu August thla chhungin Sikkim thingtlang khuaa scheme leh contract hna thawh nan sanction a nih tur thu a sawi a, panchayat level-ah hna cheng vaibelchhe 2 bel chu tender a ni dawn tih a sawi bawk a ni.