TMC team-in Nagaland kal tum ṭhulh

Sipaite beihna avanga civil mi thi chhungte leh hliam tuarte an tawrhpuina lantir turin Trinamool Congress (TMC) chuan member panga awmna team chu Nagaland-ah tirh a tum a, mahse pawikhawihna thlenna hmunah khapna dan lekkawh a nih avangin an kal thei leh lo.

TMC hotu, West Bengal chief minister Mamata Banerjee chuan civil mi kahhlum an nih dan chu chiang taka chhui a, mawhphurtute pawh hremna pe ngei turin thuneitute a phut.

TMC team-ah hian an party MP pali leh advocate general hlui Biswajit Deb-te an awm a, mahse Mon district chhungah an luh theih dawn loh avang leh, mitthi chhungte an hmuh theih dawn loh avangin an kal tum hi an ṭhulh tih sawiin, khapna thupek sut a nih veleh kal an tum tho tih MP Sushmita Dev chuan a sawi.