Assam team-in educational reform zirchiang turin AP tlawh

Assam official team chu Arunachal Pradesh-in education sector-a scheme leh policy a siamte zirchiang turin an kal.

Official team-ah hian Assam State Samagra Shiksha Project Director Roshni Aparanji, Pri­mary Education Director Bijoya Chowdary, Assam SCERT Director Neerada Devi leh midangte an tel a, Ningani khan Samagra Sikhsaa office-ah Arunachal Pradesh education department official-te nen meeting an nei a ni. Hemi hma hian AP education minister A. Suresh an hmu bawk.

Minister Suresh chuan a hma pawhin Telangana sorkar chuan educational reform an siamte zirchiang turin official team a lo tir tawh bawk tih a sawi. Amma Vodi, Nadu-Nedu, Jaganna Vidya Deevena leh Jagananna Vasathi Deevena programme an siam chu state dangte pawhin an ngaihven hle a ni, a ti.

Suresh chuan zirlaite textbook siam dawnah hian official-te chu zirlaiten an zirlai awlsam zawka an hriatthiam theihna tura duang tura a hrilh thu a sawi. State chhunga zirlai nuai 70 vel a nghawng dawn avangin zirlai bu siamna kawngah theihtawpa uluk a ṭul thu pawh a sawi a ni.