SC panel-in Kaziranga wildlife corridor-a thil siam ṭhiat turin Assam hrilh

Supreme Court-in a din, Central Empowered Committee (CEC) chuan Assam sorkar hnenah Kaziranga National Park leh Tiger Reserve corrridor-a phalna nei loa thil sak pakuate chu ṭhiat nghal turin a hrilh.

Assam forest department official chuan CEC member secretary Amarnatha Shetty-a'n Assam chief secretary Jishnu Baruah hnenah lehkha a thawnah, heng an thil siamte hi kar li chhung ngeia ṭhiat vek tura a hriattir thu a sawi. Hei bakah hian thil dang sak belh pawh phal a ni lo tih a hrilh bawk a ni, a ti.

CEC chuan Septem­ber 19-a union enviroment, forest and climate change ministry hnuaia Inte­grated regional office, Guwahati-in inspection report a thehluh chung chang sawiin, report an thehluh rual hian Deputy Inspector General of Forest (Central) Lactitia J. Syiemiong-a'n “Violation of the Supreme Court order of April 12, 2019”tih hmanga report a ziah pawh a thehlut tel bawk.

Official-te chuan Supreme Court hian Karizanga-a identified animal corridor pariatah eng thil thar mah sak belh a phal loh thu a sawi a, hei bakah hian heng corridor-ah hian mining lam chi engmah khawih a phal lo bawk.