AP-a LAC-ah Indian Army-in Bofors guns dah

Indian Army chuan China nena inep mekna karah China ramria sipaite thuam chakin, Aruna­chal Pradesh-a Line of Actual Control (LAC)-a forward area-ah Bofors anti-aircraft guns a dah belh.

Bofor guns hi Tawang sector-a LAC-a India leh China border meeting point, Bum-La ah dah an ni. Hemi hma hian AP-a Indo-China border-ah hian air assets lam pawh dah belhin, Unmaned Aircrafts (drone) te pawh a lo dah tawh bawk.

China hian LAC-ah sipai leh ralthuam hi a dah belh reng a, hei vang hian India lam pawhin a thuam chak chho ve zel a ni. China hian Tawang hi South Tibet-a bet niin a ram chin niin a chhal a, hei hi India lam chuan a pawm lo thung.