Manipur : Bashikhong hmeichhia ten Luwangsangbam bomb puak duh lohna lantir

Manipur-a Bashikhong hmeichhia te chuan Pathianni khan Luwangsangbam bomb puak an duh lohzia lantir nan Bashikhong Bazar-ah sit-in protest an nei.

Bashikhong hmeichhia te hian kar kalta Nilaini-a BSF camp bula bomb puak an duh lohzia sawiin a titute an dem takzet thu an sawi a, bomb puak chuan phawklekna a thlen nasa hle tih an sawi a, venhima a ṭha tawk lo em ni? tiin zawhna an zawt bawk a ni.

Bomb puak duh lohna lantirtu te hian thuneitute chu venhimna ṭha a awm theih nana hma la vat tura an duh thu an sawi bawk.

Kar liamta Nilaini khan Luwangsangbam-a BSF camp bulah IED bomb tihpuah a ni a, BSF pahnih in nunna an chan a, civil mi pathum in hliam an tuar bawk.

He bomb puak hi People’s Revolutionary Party of Kangleipak (PREPAK) chuan an tih a nih thu an sawi tawh a, bomb puak kaihhnawihah hian mi panga an man tawh bawk a ni.