Tripura-in Police post siksawi nasa

Tripura sorkar chuan thla hmasaa Police post a siksawi nasa dawn tih a sawi hnuah Pathianni khan transfer leh posting order an tichhuak ta a, police official 66, IPS 15 telin a nghawng dawn a ni.

Home Department official thuchhuah chuan district pariata police chief paruk leh Tripura State Rifles battalion commandant 12 zinga pasarih chu transfer an ni dawn tih an tarlang.

Indian Police Service (IPS) officer Ajit Pratap Singh chu West Tripura district police chief a ni dawn a, hemi district-a police chief ni lai mek Avula Ramesh Reddy chu Gomati district-ah sawn a ni dawn thung.

South Tripura district SP atan Jal Singh Meena dah a ni dawn a, S.Tripura SP ni lai Sudipta Das chu Dhalai district-ah dah a ni ang.

Sepahijala district police hotu Kulwant Singh chu Counterinsurgency and Anti-Terrorist School, Dhalai district-ah hotu ber a ni dawn a ni.

Tripura Police Service officer Pinaki Samanta chu Traffic SP a ni dawn a, IPS officer Abhijit Jaikrishnan Saptarshi chu SP (CID)-ah dah a ni thung ang.