ASEAN market-ah Entrepreneurs-te luh theihna turin sorkarin ṭanpui: Assam CM

Assam Chief Minister Sar­bananda Sonowal chuan Inrinni khan Assam chuan geographical advantage dang­lam tak a neih avangin South East Asian region zawng zawngte tan sumdawnna atana hmun ṭha tak a nih thu a sawi.

‘NSE Investor Fair 2018'-a thu a sawinaah Sonowal chuan enterprenuers-te chu state sorkarin a ṭanpui reng thu sawiin, ASEAN market-a an zuanluh theih nan an fuih reng tur thu a sawi a, ramchhung economy thlak danglam thei an nih thu a sawi bawk.

NSE Investor Fair hian state chhunga small and me­dium enterprises (SMEs)-te tan exposure an ngaihtuahsak dawn a, hmalak dan tur hrang hrang an kawhhmuh dawn tih a sawi bawk.

State sorkar in economic hmasawn nana a hmalak te sawiin, policy hrang hrang an duan - Assam Start Up Policy 2017, Information Technology and Electronic Policy 2017, Handloom Policy 2017-18, Sugar Policy 2018, Biotechnology Policy 2018, Tourism Policy 2017 leh Solar Policy 2018-te chuan Assam chu a thlak danglam thei dawn a ni, a ti.

Sonowal chuan State Capi­tal Region atana Guwahati zauh­na tura sorkar hmalakna pawh sawilangin, Tihu thlenga industrial corridor siam tum te, chhawng 65-a sang twin tower World Trade Centre building sak te chuan Assam chu ramchhunga state chungnung ber zingah a hlangkai dawn tih a sawi bawk.