Nagaland : Zeliang-a chungchangah NIA in thuchhuah siam

The Asian Age chanchinbu chuan Nagaland Chief Minister chhuak ta TR Zeliang-an hel pawl hnena sorkar sum a pe nia puhna chungchangah, National Investigation Agency (NIA) chuan an puhna hi a dik ngei tih finfiahna document an hmu niin an tarlang.

Asian Age chuan security source thusawi tarlangin Zeliang hian NIA hi la hmu lo mah se cross-examination nei tur chuan a inlan ngei a ṭul dawn tih a tarlang bawk.

Zeliang hian NSCN (K) hel pawl hnena sorkar sum a pe nia phatna chu lehkha in advocate kaltlangin NIA hnenah pe mah se a la tawk loh tih an tarlang a, NIA chuan chief minister pawmpuina ngeia pawisa pek chhuah a ni tih finfiahna an nei tih an tarlang a ni.

NIA hian kar kalta Thawhlehni khan New Delhi-ah TR Zeliang hi an ko a, mahse Zeliang hian Assembly session-a a tel ve a ṭul tih sawiin hun dang ruat mai turin a ti a, Inrinni khan koh a ni leh tawh a ni.