Tripura CM-in Bangladesh PM hnenah lakhuihthei thawn

Tripura chief minister Biplab Kumar Deb chuan Bangladesh prime minister Sheikh Hasina hnen aṭanga theihai a dawn hnuah, lawmthu sawina atana an state fruit 'queen pineapple' a thawn let ve.

Pathianni khan lakhuihthei pum 400 hi bawm 100-ah Agartala-Akhaura intergrated check post kaltlangin PM Hasina tan hian thawn a ni.

Bangladesh PM hian inṭhianṭhatna lantirna atan an ram theihai lar tak, Haribhanga mango chu prime minister Narendra Modi leh chief minister ṭhenkhatte a thawn a ni.

Tripura industry and commerce department director, Tarit Kanti Chakma chuan CM Deb-a'n lakhuihthei a thawn hi Pathianni zing khan Chittagong-a Indian Deputy High Commission hnenah hlan a ni tih sawiin, heta ṭang hian Dhaka-a India High Commission office-ah thawn leh a ni ang. Bangladesh-a Indian High Commissioner chuan heng lakhuihtheite hi PM Hasina hnenah a lo hlan ang.