Tripura junior doctor-te an nuar

Tripura-a junior doctor-te chu Ningani aṭang khan an stipend tipung tur leh, college fee tihniam tura sorkar phutin tiam chin awm loin an nuar.

Post-graduate (PG) doctor leh Agaratala-a Govenment Medical College (AMCH)-a intern-ten nawrh hi an huaihawt a, hospital hrang hranga non-medical service pawh a buai phah hle.

Junior doctor-te hian June 22 khan an thil phutte hi sorkarah an thehlut a, thuneitute an thil phut hi an tihhlawhtlin sak hma chuan nawrh an tum tih an sawi a ni. Doctor-te hian first year-a annual stipend, Rs 40,000 pek ṭhin chu Rs 65,000-a tipung a, second year-ah Rs 45,000 ni ṭhin chu Rs 70,000 leh third year-ah Rs 48,000 ni ṭhin chu Rs 75,000-ah tihpun an phut. State dang nena khaikhinin an stipend dawn chu a tlem bik hle niin an sawi.

Stipend an dawn tlem hle laiin college fee a sang hle thung tih an sawi a, medical college-ah first year zirlai tana senso ngai chu Rs nuai hnih vel niin, second year-ah Rs nuai 1.5 leh third year-ah Rs nuai 5 a ngai a ni.

AGMC principal in-charge, HP Sharma chuan junior doctor-te thil phut chungchang hi thuneitu sang hnenah thlen a ni tawh tih a sawi.