Tourism infrastructure tichangtlung turin theihtawp chhuah : Minister Lukhoi

Manipur tourism minister Oinam Lukhoi Singh chuan chief minister N Biren Singh kaihhruaina hnuaiah state sorkar chuan district tinah tourism infrastructure leh facility-te tichangtlun turin theihtawp a chhuah mek a ni, a ti.

Minister hian Ningani khan Churachandpur district-a tourism department-in project hrang hrang a thawh mekte a hmunah a endik a ni.

District hrang hrangah tourism sector tihchangtlunna turin sorkar chuan kawng hrang hranga hma a lak mek thu sawiin, Singh chuan mipuite pawh sorkar hmalakna chu ṭawiawm a, thawhpui turin a sawm nghal bawk.

Minister hi Singhat MLA Ginsuanhau Zou, additional chief secretary, tourism, P Vaiphei, tourism director Ibohal Singh, Churachandpur DC Pawan Yadav leh department official-ten an ṭawiawm a ni.