AP sorkarin journalist-te frontline worker-ah puang

Arunachal Pradesh sorkar chuan Ningani khan Arunachal Pradesh Union of Working Jour­nalists (APUWJ) leh Arunachal Press Club (APC) hnuaia in register media personnel-te chu Covid-19 hri leng dona kawnga a hma tawng, frontline worker-ah a puang. Frontline wor­ker-a puante hian journalist, cameraperson leh office staff-te a huam a ni.

APUWJ leh APC chuan state sorkarin FLW caterogy-a telh a ni chu lawmawm an tih thu sawiin, hri leng mek karah nitin hnathawka chhuak journalist zingah hri kai pawh an awm nual tawh thu an sawi. An dinhmun hrechiang a, sorkarin hma a la chu an lawm hle tih an sawi.

AP-ah hian Ningani khan hri kai thar mi 337 awmin, an state-a hri kai hmuh chhuah tawh hi mi 22,799 an tling tawh. Hripui vanga thi mi 89 an awm tawh bawk a ni.