Assam MLA tharte la lut Speaker atan Biswajit Daimary thlang

Assam Legislative Assembly thar session hmasa ber chu nimin khan neih a ni a, MLA thlan tharte chu rinawmna thu tiam tira lakluh an ni.

Session ṭan niah hian MLA tharte lakluh an nih bakah Assembly speaker tur thlan nghal a ni. Rorellai BJP-in speaker atana an nomiate Bisjwajit Daimary leh deputy speaker tana an nominate Numal Momin-te chu thlan an ni. Congress party chuan leader of opposition atan Ningani khan Debabrata Saikia an lo thlang tawh bawk.

Nimina MLA lakluh thar zingah hian jail tang chunga thlan thlin, Akhil Gogoi pawh a tel. Gogoi hi Siavasgar bialah thlan tlin a ni. Gogoi hi Citizenship Amendment Act (CAA) dodala nawrh a huaihawt avangin kum 2019, December thla khan man a ni a, National Investigation Agency (NIA) chuan Unlawful Activities (Prevention) Act hnuaiah thubuai a siamsak a ni. Bail-a chhuah a dilna hnawlsak a nih avangin inthlan dawn pawhin a campaign ve thei lo a ni. Mahse MLA atana thlan tlin a nih tak avangin May 11 khan special NIA court chuan Assembly-a MLA tharte lakluhnaa a tel hi a phalsak a ni.

Session hi ni thum neih a ni dawn a, vawiinah Governor-in thu a sawi ang a, Pathianniah chawlin kar leh Thawhṭanniah chhunzawm a ni ang.