Assam : Sorkar hnathawk kum 50-55 te work record thlir let dawn

Assam Finance Department chuan sorkar hnathawk, Group A, B leh C-a kum 50-55 te inkar work record thlir let turin chief secretary kaihhruai committee a din dawn. 

State sorkar hian union ministry of personnel, public grievances and pensions in premature retirement chungchanga kaihhruaina a siam zulzuiin he hmalakna hi a kalpui dawn a ni. Sorkar hnathawk, kum 50-55 inkar bakah hian kum 30 chin service pawh a huam tel ang. 

Committee din hian sorkar hnathawkte work record hi an ennawn hunah, fundamental rules and provisions angin an service aṭangin chawlh tir, pension-a chhuah tir tur an nih leh nih loh chungchang pawh an rel nghal dawn a ni.