AP Chief Minister Khandu hoin Jal Jeevan Mission thlir let

Arunachal Pradesh chief minister Pema Khandu hoin Thawhṭanni khan an state-a Jal Jeevan Mission (JJM) kalpui dan an thlir let.

PHE&WS department-a field official-te nen virtual conference neiin, CM chuan kum 2023-a JJM target tlin ngei a nih theihna atan state sorkar chuan theihtawp a chhuah tur thu a sawi. 

Meeting-ah hian rural area-a  functional household tap connections (FHTC) leh school leh Anganwadi centre hrang hranga tuithianghlim in tur leh pek a nih tawh dante sawiho a ni a, village water & sanitation committee (VWSC) leh village action plan (VAP) leh laboratory-a water quality testing neihna tura inbuatsaihna kalpui dante an thlir let bawk. 

Chief minister chuan PHE&WS department hnathawh chu fakin,  Swachh Bharat Mission-a an target hma taka an tlin thei chu lawmawm a tih thu a hrilh. Meeting-ah hian PHE&WS Minister Wangki Lowang pawhin thu a sawi a ni.