Jordan khumtu LeBron James

LeBron James chu NBA point score hnem zingah palina a ni ta. Niming zing khan Michael Jordan-a record (32,292 points) a khum a, Los Angeles Lakers star James hian basketball inelna sang berah hian point 32,311 zet a score tling tawh.

Point 32,311 nei turin James hian match 1,190 a khel a, record a khum sak tak Jordam-a'n point 32,292 nei tur hian match 1,072 a khel thung. James chungah hian Kareem Abdul-Jabbar (38,387), Karl Malone (36,928) leh Kobe Bryant (33,643) te chiah an awm tawh a ni.

Nimin zing NBA regular season inkhelah James hian Los Angeles Lakers tan point 37 score mah se an team hi Denver Nuggets lakah 115-99 in an chak lo a, Western Conference table-ah 11-na dinhmun an luah mek. NBA playoff khel phak tur chuan nasa taka hmasawn a ngai tawh.

Cleveland Cavaliers aṭanga bul ṭantu James hi ṭhiante basket tur siamsak hnem lamah pawh 10-na a ni mek a, rebounds lak hnemah 54-na niin, tunah hian kum 34 mi a ni. Hliam leh harsatna lian tak a nei a nih loh chuan season hnih dang chu ṭha takin a la khelh theih hmel a, record dang a siam chhunzawm a nih pawhin a mak lo ang.